«البحـَر// عآلم لآإْ يفهمـﮧٌ إْلآ.. ![ أنـآ ]!

{ ـآڵسّڵآم عڵيڪم ۈ رحمة ـآڵڵـﮧ ۈ برڪآٺـﮧ ]
يسعدڵي [ صبآحڪم ] ; [ مسآڪم ] بڪڵ خير ۈ طـآعـﮧ


امبوني اليوم طالعه وي ربيعاتي وربيعات ماي سستر « فرندات

خلني ابدا بـ تدوين الطلعه عدل !ْ~

طلعنا على اساسا انمر على رفيجاتنا الحشاكل

طبعا الكار استوت فووول والكار الثانيه هم فووول

بس حلاتها الدعسه في السياره ياخي نحس بقيمه الطلعه رغم كل شي

المهمـ
المهمـ قبل الظهره والكل يقول في شي ناقص .. !!

لالا مافي شي ناقص .. ويوم وصلنا صوب البحر طلعنا مب يايبين ماي

المهم
فـ{ وحده ربي حفظها} سارت يابت ماي وردت

وقعدنا شبينا النار وطبعا كانوا ويانا اطفال غزه [ الياهال ]
المهمـ حاولنا نشب النار مني مناك طلعنا كلنا أخرطي والحمدالله .. !!
المهم
ظهروا لنا (خوان شما) ربعنا و ييرانا في حدود الدول المهم مادريبهم سوريين ولا من وين بالضبط

المهم فهزبت << نهرت الياهال قلت لهم سيروا جوفوا البشوات اللى هناك لو بيشبون لنا النار

المهم

ماقصروا خوان شما شبوا لنا النار وعدلوها لنا عدل عدل وبدا شغل اخوانا السودانيين

انصفينا صوب النار محد راضي يسوي شي ولا يتحرك <ْ~ اونه كان برد

بس بالاساس السوالف مقطعه بعضها (سالفه ورا سالفه حركات عيايز بحرينيات)

 

جان تهزبنا وحده [ والله لو تميتوا على هالحاله ماراح تسوين شي وعقبها بناكل من ماك]

اوووووويه انا اول وحده نقزت من مكاني المشكله مب في الجمله اللى قالتها العوووق في ماك

<~ البارح منطعره من هناك اخر شي بدود وعاد حزتها امايه مابتقصر فينا

حلوووووووووول على السريع وعقبها بتناول الحمام 24 اورررررر

اشوف الحلول .. على مرارته .. ومعاناته " حلاوة " مقارنة بالخيله ... هالـ خيله ..... كانت احد اكبر كوابيسي في الحياة

.... وكنت .... مستحيل .. آكلها... ولو على جثتي ... و حتى عقب الضرب ... ما كنت آكلها

 

المهم نرجع لرحلتنا للبحر =)

 

حركنا شوينا عقب قعدنا مثل مانحنا اقول لكم حركات سودانيين ربي حفظنا

كلنا صووب المنقله صفصفنا الجيكوات واكلناهم عقب كل شي يخلص ناكله في نفس الحزه

اونه حركات عشان مايبرد ويصير طعمه مب شي خخخخ

 

المهم عقبها سرنا نمشي على البحر سوالف وضحك وووووالخ

هاي ادز الثانيه والثانيه تركض ورا المعفوصه ووالخ

ربي حفظهم الياهالووه ولا واحد فيهم قال آآآهـ كلهم يلعبوون ومخلينا نحن في حالنا

 

عقبها قعدنا نتصور وشوي شغلنا كم ميوزكات ارتبشن البنات

الصوب اللى كنا فيه ولا مخلووق مر منه <~ ياحلات لو كان شي كوكب للبنات فقط شرات اسبيستون

اسمينا بنسوي العجبببببب بس الله يحفظهم الحريم مابنسلم من لسان فلانه وعلانه

حش وقرض ووالخ <~ كل وحده اجوف روحها وتسكت وهم لا قرقر وااجد وعوار راس فوقها

اويه تحيون ايام الارايل اللى كانت تظهر كم قناه بس

ابوظبي - سعوديه الاولى - عمان

ولو الجو صافي وعدل زخ الاريل ولفه يظهرون لنا قناتين زياده

الكويت الاولى - دبي

عقب جي فتره اطوروا وصاروا الناس يعرفون تشفيرات القنوات

صارت عقبها تظهر عندنا قناه المستقبل <~ كلها مسلسلات مكسيكيه وحاله خخخخ

وعقب ظهرت سبيستون يوم ظهرت لنا روتانا خليجيه هههههه

وعقب سنه قطعوا اسبيستون اونه لازم نشترك في شوتايم

طبعا نحن صياح عند ابووي ركب لنا وسوي لنا ووالخ

وراسه والف سيف مايركب لنا عقب ردوها سبيستون مره ثانيه =)

 

<~ المهم هذا خارج النص نرد لمحور حديثنا =)

المهم ردينا صوب شبتنا شوينا شي يسمي بالذره & فندال لو حد يعرفه

وولد عم ابو الفندال (كستنه) <~ شغل زلم ومصاروه

المهم كم مره النار شبت في ويهي اقول لهم كله ولا ويهي الحسن

المهم عقب قعدنا نستهبل كم استهبال وكم عبببببط ووالخ

بس الصراحه كتير كتير استانسنا حركات يعني

كنت اتمنى حبيبت ألبي تكون موجووده وربي كانت راح تتشقق من الوناسه

عقب ردينا سوينا اسبوع نظافه البيئه خمينه الشاطىء ووصاختنا

طبعا الياهال ماقصروا هم ساهموا في هالحمله هههههههه

وحملنا الأغراض للسياره ونحن من راسنا لقاع الريل طبعا كلنا رمله <~

متسبحات بالرمل نيهاهاي

ويييييييييييو اختي باجر بتغسل السياره من المزبله اللى فيها =)

 

المهم صوب الكار ارتبشنا على حبه حبه واللى ماجاف جاف هالوقت ههههه

وتعفصنا في الكار تراصصنا وتضاخخنا وألتمينا واللى في حضن الثانيه

واللى قاعده صوب السده <~ بس الحمدالله وصلنا البيت بسلامه

[1]

 

[2]

[3]

[4]

[5]

 

[6]

 

 

 

كتير كتير كتير استانسنا وكتير كتير ضحكنا

وكتير كتير رقصنا وكتير كتير تكافخنا

ياريتها تنعاد =)

 

[ هذا كل ما تم تدوينه لما حدث اليوم .. ـمـع اڵسڵامــﮧ }ْ*